Италия кетма-кет учинчи бор жаҳон чемпионатини ўтказиб юборади. Машҳур мураббий Фабио Капелло Италия футболидаги мавжуд вазият ҳақида ўз мулоҳазаларини билдирди.
«Экспертларни тўплаш, содир бўлаётган воқеаларни таҳлил қилиш ва қайта қуришни энг қуйи бўғинлардан бошлаш лозим. Муаммо фақат натижаларда эмас — у тизимли характерга эга. Бундай зарбадан кейин қаддини тиклаш жуда қийин бўлади, лекин умид қиламанки, бу ҳақиқий янгиланишнинг бошланишига айланади.
Италия ўзини қайта англаб олиши керак. Италия мотамда. Бундай футбол миллати учун кетма-кет учинчи бор жаҳон чемпионатидан қуруқ қолишни қабул қилиш ниҳоятда оғир», — дея Капеллонинг сўзларини келтирмоқда Marca нашри.
Маълумот учун, Италия терма жамоаси ўз тарихида тўрт бора жаҳон чемпионати ғолиби бўлган.
