Italiya ketma-ket uchinchi bor jahon chempionatini o‘tkazib yuboradi. Mashhur murabbiy Fabio Kapello Italiya futbolidagi mavjud vaziyat haqida o‘z mulohazalarini bildirdi.
«Ekspertlarni to‘plash, sodir bo‘layotgan voqealarni tahlil qilish va qayta qurishni eng quyi bo‘g‘inlardan boshlash lozim. Muammo faqat natijalarda emas — u tizimli xarakterga ega. Bunday zarbadan keyin qaddini tiklash juda qiyin bo‘ladi, lekin umid qilamanki, bu haqiqiy yangilanishning boshlanishiga aylanadi.
Italiya o‘zini qayta anglab olishi kerak. Italiya motamda. Bunday futbol millati uchun ketma-ket uchinchi bor jahon chempionatidan quruq qolishni qabul qilish nihoyatda og‘ir», — deya Kapelloning so‘zlarini keltirmoqda Marca nashri.
Ma’lumot uchun, Italiya terma jamoasi o‘z tarixida to‘rt bora jahon chempionati g‘olibi bo‘lgan.
