Англия терма жамоаси бош мураббийи Томас Тухель миллий жамоанинг "Бавария" ҳужумчиси Харри Кейнга бўлган қарамлиги ҳақидаги саволларга жавоб берди.
"Хўш, нима учун Аргентина Мессига, Португалия эса Криштиану Роналдуга таянмаслиги керак? Бу мутлақо нормал ҳолат. Кейн бўлмаса, бизда рақиб дарвозаси олдида бундай хавф туғдирадиган куч йўқ. "Бавария"да ҳам Кейн бўлмаган тақдирда худди шундай муаммо юзага келади", — деди Тухель матбуот анжуманида.
Эслатиб ўтамиз, Кейн кичик жароҳат олганлиги сабабли Японияга қарши ўртоқлик учрашувини ўтказиб юборди. Кейнсиз Англия терма жамоаси ўз уйида японларга 0:1 ҳисобида имкониятни бой берди.
