«Реал» ва Аргентина терма жамоаси вингери Франко Мастантуоно «Челси» ярим ҳимоячиси ҳамда терма жамоадаги шериги Энцо Фернандеснинг Мадрид клубига ўтиши мумкинлиги ҳақидаги миш-мишларга изоҳ берди.
«Албатта, мен Энцо Фернандесни жамоадошим сифатида кўришдан хурсанд бўлардим. Аммо «Реал»нинг унга бўлган қизиқиши ҳақида ҳеч нарса билмайман», — деди Мастантуоно DSPORTS нашрига берган интервьюсида.
Аввалроқ, Энцо Фернандес шу ёзда «Реал»га ўтиши мумкинлиги ҳақида хабарлар тарқалган эди. Футболчининг ўзи келажаги борасидаги қарорни жаҳон чемпионати якунланганидан кейин қабул қилишини таъкидлаган, шу билан бирга, Мадридни айнан ўзи яшашни истаган шаҳар деб атаган эди.
