Премьер-лига грандлари «Ньюкасл» ўнг қанот ҳимоячиси Тино Ливраменто учун кураш олиб боришмоқда.
23 ёшли футболчи учун пойгада «Арсенал» ва «Манчестер Сити» клублари пешқадамлик қилмоқда, деб хабар беради Football Insider. «Қарғалар» ўзларининг муҳим ўйинчисини жамоада олиб қолишни исташмоқда ва унга янги шартнома таклиф қилишга тайёр. Бироқ жамоа еврокубокларга йўлланма ололмаса, латерални қолишга кўндириш анча қийин бўлади.
Тино Ливраментонинг амалдаги шартномаси 2028 йилгача мўлжалланган, унинг бозор қиймати эса Transfermarkt томонидан 40 миллион еврога баҳоланган. Ҳимоячи ҳисобида Англия терма жамоаси сафида бешта ўйин мавжуд бўлиб, уларнинг иккитаси яқинда Уругвай ва Японияга қарши ўтказилган ўртоқлик учрашувларига тўғри келади.
