Италиянинг «Интер» клуби ва Нидерландия терма жамоаси ўнг қанот ҳимоячиси Дензел Дюмфрис фаолиятини Англия Премьер-лигасида давом эттириши мумкин.
Linterista нашри тарқатган хабарга кўра, айни дамда АПЛнинг нақ учта гиганти 29 ёшли футболчига жиддий қизиқиш билдирмоқда:
-
«Ливерпуль» — мерсисайдликлар қанотдаги рақобатни кучайтириш ниятида;
-
«Манчестер Сити» — жамоа тизими учун Дюмфриснинг универсаллиги маъқул келмоқда;
-
«Манчестер Юнайтед» — «қизил иблислар» ҳимоя чизиғини янгилаш режасига Дензелни киритган.
Ҳозирча «Интер» ўз етакчисини қўйиб юбориш борасида якуний тўхтамга келгани йўқ, бироқ Англия клубларининг молиявий имкониятлари трансфернинг амалга ошишига хизмат қилиши мумкин. Миланликлар футболчи учун анчагина салмоқли маблағ талаб қилиши кутилмоқда.
