Каталониянинг «Барселона» клуби тарбияланувчиси, ҳозирда «Тоттенхэм» шарафини ҳимоя қилаётган Хави Симонснинг келажаги борасида янги тафсилотлар пайдо бўлди.
Машҳур инсайдер Фабрицио Романонинг хабар беришича, 22 ёшли нидерландиялик ярим ҳимоячининг энг катта орзуси — кун келиб яна «Камп Ноу»га қайтиш ва «кўк-анорранглилар» либосида майдонга тушиш. Симонс «Ла Масия» академиясида тарбияланганини унутгани йўқ ва клубга бўлган меҳри ҳамон юқори.
Бироқ «Барса» мухлислари учун бироз нохуш хабар ҳам бор:
«Айни дамда футболчи ва клуб ўртасида ҳеч қандай алоқа ёки расмий музокаралар олиб борилмаяпти», — дейди Романо.
Гарчи футболчи қайтишни истаётган бўлса-да, ҳозирги вазиятда трансфер масаласи кун тартибида эмас.
Симонснинг "шпорлар" билан шартномаси 2030 йил ёзигача тузилган. Transfermarkt уни 50 миллион еврога баҳоламоқда.
