«Бавария» ҳужумчиси Харри Кейн Англия терма жамоаси ихтиёрида жароҳат олди.

Жароҳати сабабли 32 ёшли футболчи «уч шерлар»нинг Японияга қарши ўртоқлик учрашувини ўтказиб юборди. Sky Sport журналистларининг маълумотларига кўра, айни дамда барча белгилар ҳужумчининг шанба куни Бундеслига доирасида бўлиб ўтадиган «Фрайбург»га қарши баҳсни ўтказиб юборишини кўрсатмоқда. Футболчи ҳамон тўпиғидаги муаммолардан азият чекмоқда.

«Бавария» Кейннинг 7 апрелга белгиланган Мадриднинг «Реал» клубига қарши дастлабки ўйингача тикланиши учун барча имкониятларни ишга солади. Ҳозирча футболчи жароҳатини даволаб, «Сантьяго Бернабеу»даги тўқнашувда иштирок этишга улгурадими ёки йўқми, номаълум бўлиб қолмоқда.