Мадриднинг «Реал» клуби марказий ҳимоячиси Диего Агуадо бошқа нуфузли клублар назарига тушди.
19 ёшли футболчи «қаймоқранглилар»нинг асосий жамоаси сафида бор-йўғи иккита ўйин ўтказган бўлса-да, «Кастилья»нинг энг истиқболли вакилларидан бири ҳисобланади. Diario AS нашрининг маълумотларига кўра, ушбу келажаги порлоқ испаниялик билан шартнома имзолашга «Милан», Дортмунднинг «Боруссия»си, «Ньюкасл» ва «Парма» клублари қизиқиш билдирмоқда. Transfermarkt портали экспертлари футболчининг қийматини 5 млн еврога баҳоламоқда.
Диего Агуадонинг «Реал» билан амалдаги шартномаси 2029 йилнинг ўрталарига қадар мўлжалланган. Ёш марказий ҳимоячи март ойи ўрталарида Ла Лига доирасида «қироллик клуби» либосида ўз дебютини нишонлаган эди.
