Мадриднинг «Реал» клуби ярим ҳимоячиси Федерико Вальверде ўзининг кучли зарбалари билан машҳур, бундан эса баъзида жамоадошлари азият чекиб туришади.
Уругвайлик футболчи машғулотлардаги кучли зарбалари билан бир неча бор дарвозабонларни жароҳатлаб қўйганини тан олди.
«Ҳа, шундай ҳолатлар бўлган. Елка бойламлари узилиши, ҳатто баъзида уларнинг елкаси бўғимидан чиқиб кетган ҳолатлар ҳам кузатилган. Бир сафар Люка Зиданни жароҳатлаб қўйганман, ўша лаҳзада қўрқувдан ўлгудек бўлгандим, чунки у мураббийнинг ўғли эди. Ўшанда: «Мени «Реал»дан ҳайдаб юборишади», деганман», — дея Вальверденинг сўзларини келтиради Madrid Zone нашри.
27 ёшли ярим ҳимоячи клуб ва терма жамоа сафидаги охирги еттита ўйинда еттита гол урди. Март ойида футболчи фаолиятида илк бор хет-трик қайд этди — у «Сантьяго Бернабеу»да «Манчестер Сити» дарвозасини уч бор ишғол қилишга муваффақ бўлди.
