"Реал" ярим ҳимоячиси Федерико Вальверде "қаймоқранглилар"нинг собиқ бош мураббийи Зинедин Зидан ҳақида ўз фикрлари билан ўртоқлашди.
"Зидан — футбол афсонаси. У менга жуда кўп ёрдам берган. Футболчи маълум бир қийинчиликларга дуч келганида, уларни енгиб ўтиши қийин бўлган лаҳзалар бўлади. Зидан эса доимо вазминлик ва хотиржамлик тимсоли эди. У ўзига бўлган ишончни менга ҳам юқтира олган. Кундалик ҳаётда Зидан доим оилам ва фарзандларимнинг аҳволи билан қизиқиб турарди. Бу мени жуда хурсанд қиларди", — дея Вальверденинг сўзларини келтиради Madrid Extra.
Эслатиб ўтамиз, Зинедин Зидан "Реал"ни 2016–2018 ва 2019–2021 йилларда бошқарган. Унинг қўл остида Мадрид клуби 11 та совринни, жумладан, кетма-кет учта Чемпионлар Лигаси кубогини қўлга киритган.
