ЖЧ-2026 саралашидаги муваффақиятсизликдан сўнг, Италия терма жамоаси бош мураббий Женнаро Гаттузо билан хайрлашади. Бу ҳақда Европа оммавий ахборот воситалари хабар бермоқда.
Инсайдер Николо Скиранинг маълумотларига кўра, "скуадра адзурра" устози лавозимига асосий номзод сифатида Массимилиано Аллегри кўрилмоқда. Ҳозирда ушбу мутахассис "Милан" клубини бошқармоқда.
Шунингдек, аввалроқ Федерациянинг қисқа рўйхатидан (шорт-лист) Антонио Конте ва Роберто Манчини жой олгани ҳақида ҳам хабарлар тарқалган эди.
Эслатиб ўтамиз, ЖЧ-2026 йўлидаги ҳал қилувчи баҳсда Италия терма жамоаси Босния ва Герцеговинага имкониятни бой берди (1:1, пенальтилар бўйича 1:4). Шу тариқа, италияликлар кетма-кет учинчи бор мундиални ўтказиб юборишади.













