УЕФА президенти Александер Чеферин Италия футболидаги муаммолар нима билан боғлиқлигини тушунтириб берди. Эслатиб ўтамиз, Италия терма жамоаси ЖЧ-2026 саралаши плей-офф финалида Босния ва Герцеговинага имкониятни бой бериб, кетма-кет учинчи бор Жаҳон чемпионатидан қуруқ қолди.
"Баъзи одамларнинг "яширинча" нимадир нотўғри бўлишини кутиб туриши, кейин эса бирдан пайдо бўлиб, танқид қилишни бошлаши мени ғазаблантиради ва хафа қилади. Улар Италияга эмас, ўзларига мухлислик қилишади. Айтинг-чи, италиялик футболчилардан ким чақирилиши керак эди-ю, лекин чақирилмади? Футбол шунақа нарса, ҳатто энг яхши ўйинчилар майдонда бўлса ҳам, ҳар ким ютқазиб қўйиши мумкин.
Италия — энг буюк футбол мамлакатларидан бири ва у албатта чўққига қайтади. Италия футболининг энг катта муаммоси — футбол сиёсати ва "оддий" сиёсат ўртасидаги ўзаро муносабатлардир. Агар ҳамма бир-бири билан ҳамкорлик қилганида, сиз тез орада яна Европа ва Жаҳон чемпиони бўлган бўлардингиз. Агар ўша одамлар шу руҳда давом этишса, футболдаги ишлар янада ёмонлашиб кетаверади", — деди Чеферин.
