«Манчестер Сити» ҳимоячиси Йошко Гвардиол оғир жароҳатдан сўнг тез орада машғулотларга киришади.
Sportske Novosti нашрининг хабарига кўра, хорватиялик футболчи ўн кундан кейин югуриш машқларини бошлаши ва юкламаларни босқичма-босқич ошириб бориши мумкин. «Манчестер Сити» клуби футболчининг жароҳатдан кейинги тикланиш жараёни жуда яхши ва асоратларсиз кечмоқда, деб ҳисобламоқда. Ҳимоячининг май ойи ўрталарига қадар тўлиқ соғайиб кетиши кутилмоқда.
Эслатиб ўтамиз, Йошко Гвардиол шу йилнинг январь ойида бўлиб ўтган «Челси»га қарши ўйинда (1:1) ўнг оёқ болдир суягининг синиши жароҳатини олган эди. Хорватиялик футболчи ушбу жароҳат сабабли жарроҳлик амалиётини бошдан кечирган.
