«Manchester Siti» himoyachisi Yoshko Gvardiol og‘ir jarohatdan so‘ng tez orada mashg‘ulotlarga kirishadi.
Sportske Novosti nashrining xabariga ko‘ra, xorvatiyalik futbolchi o‘n kundan keyin yugurish mashqlarini boshlashi va yuklamalarni bosqichma-bosqich oshirib borishi mumkin. «Manchester Siti» klubi futbolchining jarohatdan keyingi tiklanish jarayoni juda yaxshi va asoratlarsiz kechmoqda, deb hisoblamoqda. Himoyachining may oyi o‘rtalariga qadar to‘liq sog‘ayib ketishi kutilmoqda.
Eslatib o‘tamiz, Yoshko Gvardiol shu yilning yanvar oyida bo‘lib o‘tgan «Chelsi»ga qarshi o‘yinda (1:1) o‘ng oyoq boldir suyagining sinishi jarohatini olgan edi. Xorvatiyalik futbolchi ushbu jarohat sababli jarrohlik amaliyotini boshdan kechirgan.
