Испания Ла Лигасида тўп сураётган юлдузларнинг янгиланган маошлари ҳақидаги маълумотлар кенг жамоатчилик эътиборига ҳавола этилди. Рўйхатда кутилганидек «Реал Мадрид» ва «Барселона» вакиллари етакчилик қилмоқда.

Рейтингнинг энг юқори поғонасини «Реал Мадрид»нинг икки суперюлдузи — Винисиус Жуниор ва Килиан Мбаппе эгаллаб турибди. Ҳар икки футболчи ҳафтасига нақ 616 000 евро маош олмоқда. Бу кўрсаткич билан улар нафақат Испанияда, балки бутун Европада энг кўп ҳақ олувчи ўйинчилар қаторидан жой олишган.

Энг юқори маош олувчи бешта футболчининг рўйхати қуйидагича кўриниш олган:

1-2. Винисиус Жуниор («Реал Мадрид») — 616 000 €/ҳафта
1-2. Килиан Мбаппе («Реал Мадрид») — 616 000 €/ҳафта
3. Давид Алаба («Реал Мадрид») — 434 000 €/ҳафта
4. Роберт Левандовски («Барселона») — 399 000 €/ҳафта
5-6. Жуд Беллингем («Реал Мадрид») — 385 000 €/ҳафта
5-6. Ян Облак («Атлетико Мадрид») — 385 000 €/ҳафта

Шунингдек, «Атлетико» посбони Ян Облак ҳам Беллингем билан бир хил маош олаётгани қайд этилган.

Эътиборли жиҳати шундаки, «Барселона»нинг 18 ёшли иқтидори Ламин Ямалнинг маоши ҳам юлдузлар даражасига кўтарилди. Ҳозирда ёш вингер ҳафтасига 307 000 евро ишлаб топмоқда.