Миланнинг «Интер» клуби марказий ҳимоячиси Алессандро Бастони «Барселона»га ўтишга розилик берди.
Машҳур инсайдер Маттео Мореттонинг хабар беришича, италиялик футболчи «кўк-анорранглилар» сафида тўп суриш истиқболидан мамнун. Томонлар ҳали шартнома тафсилотларини келишиб олишлари керак, бироқ «нерадзуррилар» ҳимоячиси трансферга оғзаки розилик бериб бўлган.
Агар Бастонининг ўзи ўтиш бўйича фаол талаб қўйса, ушбу трансфер «Барселона»га 60 млн евро ва бонусларга тушиши тахмин қилинмоқда. Transfermarkt портали футболчининг бозор қийматини 70 млн еврога баҳолаган, унинг «Интер» билан амалдаги шартномаси эса 2028 йилгача мўлжалланган.
