Мадриднинг «Реал» клуби ҳужумчиси Килиан Мбаппе Лионель Месси ва Неймар билан бирга ўйнаган даврларини ёдга олди.
Франциялик юлдуз «ПСЖ» машғулотларининг бирида уччала юлдуз иштирок этган қизиқарли воқеани сўзлаб берди.
«Месси — ўзгача, у ҳамма нарсани мукаммал бажаради. Эсимда, кунларнинг бирида машғулотда дарвозага зарба бериш устида ишлаётгандик. Мен ва Неймарда ҳаммасидан ҳам яхшироқ чиқаётганди — ўнта уринишдан олти ёки еттитасини голга айлантиргандик. Аммо кейин Месси келди ва тўққизта имкониятдан тўққизта гол урди. Ўшанда Неймар: "Кўрдингми? Месси тўққиз марта ҳам бир хил зарба билан гол урди!" — деганди», — деди Мбаппе ўз интервьюсида.
Ҳозирда Месси «Интер Майами» шарафини ҳимоя қилмоқда, Неймар эса ўзининг қадрдон клуби — «Сантос»да тўп сурмоқда.
