Лондоннинг «Арсенал» клуби ҳужумчиси Габриэль Жезус жамоадоши Букайо Саканинг даражаси ҳақида ўз фикрларини билдирди.
Бразилиялик ҳужумчининг фикрича, 24 ёшли инглиз футболчиси ҳамон дунёнинг энг яхши вингерлари қаторига киради.
«У шубҳасиз энг яхшилар қаторида. Спорт формаси ёки турли ўйин услублари ҳақида гапириш мумкин, лекин ҳар бир футболчи ўзига хос фазилатларга ва ҳал қилувчи паллада ўзини кўрсата олиш қобилиятига эга. Букайо — ана шундайлардан бири. Балки унга ҳозирча совринлар етишмаётгандир, лекин тез орада бу вазият ўзгаради», — деди Жезус Рио Фердинанднинг подкастида.
