«Барселона» клуби Миланнинг «Интер» жамоаси марказий ҳимоячиси Алессандро Бастонини сотиб олиш устида ишламоқда.
Яқинда Каталония грандининг футболчи билан келишувга эришгани ҳақида хабарлар пайдо бўлган эди. Журналист Жанлуижи Лонгарининг маълумот беришича, яқин ҳафталар ичида италиялик футболчи бўйича клублараро трансфер музокаралари бошланади. Катта эҳтимол билан, муҳокамалар келаси ҳафтадаёқ старт олади.
Алессандро Бастонининг трансфери «Барселона»га 60 миллион еврога тушиши мумкин, ваҳоланки Transfermarkt портали 26 ёшли футболчининг бозор қийматини 70 миллион еврога баҳолаган. Шунга қарамай, келишув шартлари бўйича ҳозирча аниқ маълумотлар мавжуд эмас.
