«Barselona» klubi Milanning «Inter» jamoasi markaziy himoyachisi Alessandro Bastonini sotib olish ustida ishlamoqda.
Yaqinda Kataloniya grandining futbolchi bilan kelishuvga erishgani haqida xabarlar paydo bo‘lgan edi. Jurnalist Janluiji Longarining ma’lumot berishicha, yaqin haftalar ichida italiyalik futbolchi bo‘yicha klublararo transfer muzokaralari boshlanadi. Katta ehtimol bilan, muhokamalar kelasi haftadayoq start oladi.
Alessandro Bastonining transferi «Barselona»ga 60 million yevroga tushishi mumkin, vaholanki Transfermarkt portali 26 yoshli futbolchining bozor qiymatini 70 million yevroga baholagan. Shunga qaramay, kelishuv shartlari bo‘yicha hozircha aniq ma’lumotlar mavjud emas.
