«Милан» клубининг чап қанот ҳимоячиси Первис Эступиньян Мадриднинг «Атлетико» клуби қизиқишлари доирасига тушди.
Эквадорлик футболчи ўтган йилнинг ёзида Англиянинг «Брайтон» клубидан кўчиб ўтганидан сўнг Италияда ўзини кўрсата олмади. Журналист Экрем Конурнинг маълумот беришича, 28 ёшли ўйинчини «матрасчилар» кузатиб боришмоқда, шунингдек, латерални сотиб олиш имкониятини «Тоттенхэм» ҳам кўриб чиқмоқда.
Первис Эступиньяннинг ўтган йилги трансфери «Милан»га 17 миллион еврога тушган эди. Ҳозирда эса Transfermarkt портали футболчининг қийматини 14 миллион еврога баҳоламоқда. Тахминларга кўра, ҳимоячи етарли ўйин амалиётига эга бўлмаётгани сабабли «россонери» сафини мамнуният билан тарк этади.
