«Кристал Пэлас» раҳбарияти айни дамда «Борнмут»да фаолият юритаётган Андони Ираолани бош мураббийликка таклиф қилиш фикридан воз кечди. Бу ҳақда Sky Sports телеканали журналистлари хабар бермоқда.
«Бургутлар» Ираолани 2025/2026 йилги мавсум якунида жамоани тарк этиши кутилаётган Оливер Гласнернинг асосий вориси сифатида кўраётган эди. Бироқ «Кристал Пэлас»нинг ушбу режаси амалга ошиши амримаҳол, чунки Андони «олчалар» билан янги шартнома имзолаш ниятида. Якуний қарор жорий мавсум тугаганидан кейин қабул қилинади.
Ираола «Борнмут» бошқарувини 2023 йилнинг ёзида қўлга олган эди. 43 ёшли испаниялик мутахассиснинг инглиз клуби билан амалдаги меҳнат шартномаси 2026 йилнинг июнь ойи охирида ниҳоясига етади.













