«Манчестер Юнайтед» ҳужумчиси Брайан Мбеумо ўзининг асосий кумирларидан бири ким эканлигини айтди. 26 ёшли камерунлик футболчи Лондоннинг «Челси» клуби собиқ юлдузи Эден Азарнинг ўйинларидан ўрганишга ҳаракат қилганини тан олди.
«Имкон туғилди дегунча Азар иштирокидаги ўйинлар шарҳини томоша қилардим. Менимча, у жуда кучли, шунчаки ақл бовар қилмас даражада маҳоратли эди. У рақибларини осонлик билан алдаб ўтар, ҳужумларни ажойиб тарзда якунлар ва юқори савиядаги узатмаларни амалга оширарди. Тўпни қабул қилиб, барчани ортда қолдириб кетиши мумкин эди — бу шунчаки телбавор иқтидор», — дея Мбеумонинг сўзларини келтиради UtdDistrict.
Эден Азар 2012 йилдан 2019 йилгача «Челси» шарафини ҳимоя қилган, шундан сўнг Мадриднинг «Реал» клубига ўтган эди. 2023 йилда бельгиялик футболчи фаолиятини якунлади.
