Мадриднинг «Атлетико» клуби ҳимоячиси Марк Пубиль ҳамон жароҳатидан тўлиқ фориғ бўлгани йўқ. 22 ёшли футболчи мушакларидаги муаммолар сабабли яқинда «Реал»га қарши кечган дербини ўтказиб юборган эди. Испаниялик ҳимоячи аллақачон машғулотларга киришган бўлса-да, Marca нашрининг хабар беришича, «матрасчилар» мураббийлар штаби унинг Чемпионлар лигаси 1/4 финали доирасида «Барселона»га қарши кечадиган дастлабки ўйингача тикланишга улгурмаслигидан хавотирда.
Жамоалар 8 апрель куни «кўк-анорранглилар» майдонида куч синашишади, 14 апрелда эса мадридликлар каталонияликларни ўз уйларида қабул қилишади. Бунгача, 4 апрель куни Испания чемпионати доирасида «Атлетико» ўз майдонида «Барса» билан баҳс олиб боради.
Маълумот учун, Марк Пубиль ўтган йилнинг ёзида «Альмерия»дан Диего Симеоне жамоаси сафига келиб қўшилган эди.
