"Реал Мадрид" бош мураббийи Альваро Арбелоа бразилиялик ҳужумчи Винисиус Жуниорнинг жисмоний ҳолати ҳақида маълумот берди.
"У билан ҳаммаси жойида, лекин у чарчаган. Карло Анчелотти унга дам бермади. Бразилия терма жамоасидаги талаблар "Реал"никига жуда ўхшаш, шунинг учун Винисиус катта юклама билан қайтди. Биз у борасидаги қарорни бироздан кейин қабул қиламиз", — дея Арбелоанинг сўзларини келтиради Madrid Xtra.
Жорий мавсумда Винисиус "Реал" таркибида 43 та ўйинда майдонга тушиб, 17 та гол урди. Шунингдек, вингер ҳисобида 13 та голли узатма ҳам бор.
4 апрель куни "Реал" сафарда "Мальорка"га қарши баҳс олиб боради. Испания чемпионатининг 30-тури доирасидаги ушбу учрашув Тошкент вақти билан соат 19:15 да бошланиши режалаштирилган.
