"Real Madrid" bosh murabbiyi Alvaro Arbeloa braziliyalik hujumchi Vinisius Juniorning jismoniy holati haqida ma’lumot berdi.

"U bilan hammasi joyida, lekin u charchagan. Karlo Anchelotti unga dam bermadi. Braziliya terma jamoasidagi talablar "Real"nikiga juda o‘xshash, shuning uchun Vinisius katta yuklama bilan qaytdi. Biz u borasidagi qarorni birozdan keyin qabul qilamiz", — deya Arbeloaning so‘zlarini keltiradi Madrid Xtra.

Joriy mavsumda Vinisius "Real" tarkibida 43 ta o‘yinda maydonga tushib, 17 ta gol urdi. Shuningdek, vinger hisobida 13 ta golli uzatma ham bor.

4 aprel kuni "Real" safarda "Malyorka"ga qarshi bahs olib boradi. Ispaniya chempionatining 30-turi doirasidagi ushbu uchrashuv Toshkent vaqti bilan soat 19:15 da boshlanishi rejalashtirilgan.