Анвар Эл-Ғозий иши бўйича «Майнц» клуби томонидан берилган апелляция рад этилди.
Эслатиб ўтамиз, 2023 йил 7 октябрда Фаластин-Исроил можароси кескинлашганидан сўнг, Анвар ижтимоий тармоқларда шундай ёзган эди: «Бу можаро ҳам, уруш ҳам эмас. Бу геноцид ва оммавий қирғин, биз эса буни жонли эфирда кузатяпмиз». У ўз мурожаатини Фаластинни озод қилиш ҳақидаги шиор билан якунлаган, бироқ кейинчалик постни ўчириб ташлаган эди. Клуб футболчини машғулотлар ва ўйинлардан четлатди.
2023 йилнинг ноябрь ойида Германия клуби нидерландиялик ярим ҳимоячи билан шартномани бекор қилди. Футболчи Майнц меҳнат низолари судига мурожаат қилиб, ишни ютиб чиқди. Суд клуб зиммасига футболчига 1,5 миллион евро тўлаш мажбуриятини юклади. «Майнц» ушбу қарор устидан апелляция берган эди.
Бугун Эрфуртдаги Федерал меҳнат низолари суди аввалги инстанциялар қарорини ўз кучида қолдириш ҳақида ҳукм чиқарди. Шу тариқа, клуб барибир футболчига тегишли маблағни тўлашга мажбур бўлади — ушбу қарор устидан шикоят қилиш мумкин эмас.
Allgemeine Zeitung нашрининг таъкидлашича, Эл-Ғозий, шунингдек, 1,2 миллион евро миқдоридаги зарарни қоплашни талаб қилиш ниятида — катта эҳтимол билан, ушбу суд жараёни яқин орада бошланади.
Ҳозирда Анвар Қатарнинг «Ал-Сайлия» клуби шарафини ҳимоя қилмоқда.
