Женнаро Гаттузо ЖЧ-2026 саралаши плей-офф босқичи финалида Босния ва Герцеговинадан учралган мағлубият (1:1, пенальтилар бўйича 1:4) ва турнирга чиқа олмаганидан сўнг, Италия терма жамоаси бош мураббийлигидан кетмоқда.
Журналист Жанлука Ди Марцио Sky Sport нашрига таяниб хабар беришича, қарор аллақачон қабул қилинган ва томонлар шартномани узил-кесил бекор қилишдан олдин сўнгги деталлар устида ишламоқда.
Меҳнат муносабатларини тўхтатиш учун «шартномани икки томонлама розилик асосида бекор қилиш» формулировкаси танланган. Ҳозирда фақат мураббийнинг фаолиятига расман якун ясовчи ҳужжатлардаги имзолар етишмаяпти. Шундан кейингина расмий баёнот берилади.
Эслатиб ўтамиз, аввалроқ Италия терма жамоаси делегацияси раҳбари Жанлуиджи Буффон ва Италия футбол федерацияси президенти Габриэле Гравина ҳам ўз лавозимларини тарк этган эди.
