«ПСЖ» бош мураббийи Луис Энрике Франция чемпионати доирасидаги «Тулуза»га қарши ўйин олдидан ўз фикрларини билдирди. Учрашув 3 апрель куни, 28-тур доирасида бўлиб ўтади.
«Янгиликлар жуда ижобий, чунки жароҳатланганлар йўқ. Якуний машғулотдан сўнг ҳар бир футболчининг жисмоний ва руҳий ҳолатини кўриб чиқамиз. Майдондаги дақиқалар, сафарлар, терма жамоалардаги ўйинлардан кейинги ҳиссиётлар — буларнинг барчасидан сўнг бор эътиборни «Тулуза»ни мағлуб этишга ва «Ливерпуль»га қарши иккита ўйинга тайёргарликка қаратишимиз керак.
Умид қиламанки, ҳаммаси яхши ўтади ва ўйинчилар тайёр бўлишади. Менимча, улар мавсумнинг қайси босқичида турганимизни тушунадиган даражада ақлли», — деди Энрике клуб расмий сайтига.
Шунингдек, мураббий рақиб ҳақида ҳам тўхталди:
«Тулуза» — жисмонан кучли ва жуда яхши жамоа. Статистикага кўра, улар сафарда мағлуб бўлишлари мумкин, лекин бу камдан-кам ҳолларда биттадан ортиқ тўп фарқи билан содир бўлади».
Ҳозирда «ПСЖ» 69 очко билан 1-ўринда, «Тулуза» эса 37 очко билан 9-поғонада бормоқда.
