Суперлига 5-тури доирасидаги «Хоразм» - «Динамо» (2:1) учрашувидан кейин жамоамиз бош мураббийи Вадим Абрамов матбуот анжуманида қатнашиб, журналистлар саволларига жавоб қайтарди.

- Бугун барча майдонда футбол кўрди. Менимча, «Хоразм» кучли иштиёқи эвазига ғалабага эришди, мен шундай деб ўйлайман. Афсуски, баъзида ўйин давомида барчаси сен учун қарши ишлаётгандек бўлади, чунки бундай ўйинда иккита гол ўтказадиган даражада хавф йўқ эди. Йўқ жойдан гол ўтказгач, иккинчи бўлимда ҳисобни тенглаштирдик ва иккинчи гол учун ҳужумкорликни оширгандик. Аммо шундай гол ўтказдикки, омад рақиб томонда эди.

- Дарвозабоннинг голлардаги хатосини қандай изоҳлайсиз?
- Нима ҳам дердим, бу футбол. Дарвозабонимиз 1-голда ҳали тўпни қўлга киритмай, катта иштиёқ сабаб ҳужумни бошлаш ҳақида ўйлади, чоғи.

- «Динамо» муаммолар ичида. Яқинда чиққан қарор жамоанинг муаммоларини қай даража ечади деб ўйлайсиз?
- Билмадим, мен жамоани ўйинга тайёрлашим, машғулотларни ўтказишим керак. Бу масалани изоҳлай олмайман. Ҳозирча пул йўқ эди, ҳали ҳам йўқ. Буёғига қандай бўлади, билмайман.

- Билишимизча, «Динамо»га ойлик маошлар берилмаётганининг 5-ойи бошланган. Масалан, «Хоразм»да ойлик маошлар бўйича қарздорлик йўқ, дейишди. Апрел ойида эса жамоангизни кетма-кет яна 5та муҳим ўйин кутиб турибди. Бу ҳолатда қийин вазиятдан қандай чиқиб кетмоқчиcиз?
- Жавоб бериш қийин. Майдонга чиқиб ўйнаш керак, биздан талаб этиладигани шу. Бошқа тарафдан майдонга мен эмас, футболчилар чиқади. Ҳар бир футболчининг миясида нима борлигини билмайман, кириб чиқа олмайман чунки. Ҳамманинг ўз муаммоси бор. Йигитларни имконқадар тайёрлаяпмиз, руҳлантириб, гапиряпмиз. Аммо ҳозирча барчасиз биз ўйлагандек бўлмаяпти, - деди Вадим Карленович Урганчдаги ўйиндан кейин ўтказилган матбуот анжуманида.