«Ан-Наср» ҳужумчиси Криштиану Роналду Саудия Арабистони чемпионатининг 27-тури доирасида «Ан-Нажма» устидан қозонилган ғалабага (5:2) изоҳ берди. 41 ёшли португалиялик юлдуз жароҳатидан сўнг майдонга қайтди ва ушбу учрашувда дубль қайд этди.
«Бу яхши қайтиш бўлди. Биргаликда олдинга интилишда давом этамиз!» — деб ёзди Роналду ижтимоий тармоқдаги саҳифасида.
Маълумот учун, португалиялик форвард жорий мавсумда барча турнирлар доирасида 26 та ўйинда майдонга тушиб, ўз ҳисобига 22 та гол ва 4 та голли узатмани ёздириб қўйди.
