Англиялик собиқ ҳужумчи Уэйн Руни журналистларнинг Англия терма жамоасидаги қайси даврни энг яхши деб ҳисоблаши ҳақидаги саволига иккиланмасдан жавоб берди. Рунининг сўзларига кўра, у Рой Хожсон қўл остида миллий жамоада ўйнашдан завқ олган. Эслатиб ўтамиз, Хожсон Евро-2016 мусобақасида Исландия терма жамоасидан учраган мағлубиятдан сўнг истеъфога чиққан эди.
«Индивидуал жиҳатдан Англия терма жамоасидаги энг яхши даврим Рой Хожсон даврига тўғри келади. Менимча, 2016 йилги терма жамоа ҳозиргисидан қолишмасди. Шу сабабли ҳам Исландиядан учралган мағлубият катта зарба бўлган эди», — дея Рунининг сўзларини келтиради derbyderbyderby.it нашри.
Маълумот учун, Уэйн Руни Англия терма жамоасидаги фаолиятини 2018 йилда якунлаган.
