«Интер Майами»нинг юлдузли аргентиналик ҳужумчиси Лионель Месси жамоанинг янги стадиони ҳақида ўз фикрларини билдирди. Ушбу футбол аренасидаги трибуналардан бирига 38 ёшли ҳужумчи шарафига ном берилади.
«Бу ажойиб манзара. Янги стадион жуда маҳобатли кўринишга эга. Жамоа қисқа вақт ичида ўз аренасига эга бўлди. Клуб билан биргаликда ушбу лаҳзаларни бошдан кечираётганимдан жуда хурсандман. Тез орада ҳамма бундан завқлана оладиган кун келади», — дея аргентиналик юлдузнинг сўзларини келтиради клуб матбуот хизмати.
Месси 2023 йилнинг ёзида «Интер Майами» сафига келиб қўшилган эди. Ҳужумчининг Флорида клуби билан тузган шартномаси 2028 йил декабрь ойи охиригача мўлжалланган.
