«Inter Mayami»ning yulduzli argentinalik hujumchisi Lionel Messi jamoaning yangi stadioni haqida o‘z fikrlarini bildirdi. Ushbu futbol arenasidagi tribunalardan biriga 38 yoshli hujumchi sharafiga nom beriladi.
«Bu ajoyib manzara. Yangi stadion juda mahobatli ko‘rinishga ega. Jamoa qisqa vaqt ichida o‘z arenasiga ega bo‘ldi. Klub bilan birgalikda ushbu lahzalarni boshdan kechirayotganimdan juda xursandman. Tez orada hamma bundan zavqlana oladigan kun keladi», — deya argentinalik yulduzning so‘zlarini keltiradi klub matbuot xizmati.
Messi 2023 yilning yozida «Inter Mayami» safiga kelib qo‘shilgan edi. Hujumchining Florida klubi bilan tuzgan shartnomasi 2028 yil dekabr oyi oxirigacha mo‘ljallangan.
