«Бавария» дарвозабони Мануэль Нойернинг клуб билан амалдаги шартномаси жорий мавсум якунида ўз ниҳоясига етади.
Март ойи охирида Мюнхен клуби сардори 40 ёшни қарши олди. Ҳозирча тажрибали посбон кейинги мавсумда ҳам фаолиятини давом эттириш-эттирмаслиги номаълум бўлиб қолмоқда.
«Агар Ману ўзини қулай ҳис қилса ва бир-биримиздан кутаётган натижаларимиз мос келса, шартномани узайтириш имконияти анча юқори», — дея журналист Флориан Плеттенберг «Бавария» спорт директори Макс Эберлнинг сўзларини келтирмоқда.
Мюнхенликлар раҳбариятининг Мануэль Нойер билан музокаралари апрель ойига режалаштирилган. Жорий мавсумда футболчи Венсан Компани бошчилигидаги жамоа сафида барча турнирлар доирасида 29 та ўйинда майдонга тушди.
