Германиялик мутахассис Юрген Клопп Мадриднинг «Реал» клуби билан музокаралар олиб бораётгани ҳақидаги миш-мишларга қарамай, мураббийликка қайтиш ниятида эмас.
«Мен энди мураббий бўлишни хоҳламайман. Ҳеч нарсани соғинганим йўқ. 25 йил ичида кинотеатрга бор-йўғи тўрт марта борганман. Бу ташрифларнинг барчаси охирги саккиз ҳафта ичида юз берди. Бундан завқ оляпман», — дея юлдуз мураббийнинг сўзларини Transfer News Live аккаунти келтирмоқда.
Клоппнинг мураббийлик фаолиятидаги сўнгги иш жойи «Ливерпуль» бўлган эди. Германиялик мутахассис инглиз жамоасини 2015 йилдан 2024 йилгача бошқарган. Германия чемпионатида эса Юрген «Майнц» ва Дортмунднинг «Боруссия» клубларида мураббийлик қилган.
