«Ливерпуль» клубининг ҳужумкор ярим ҳимоячиси Доминик Собослаи жамоани тарк этиши мумкинлиги ҳақидаги хабарларга муносабат билдирди.

«Менга бу ер жуда ёқади. Оилам бахтли, мен клубни ва мухлисларни яхши кўраман. Ушбу клуб шарафини ҳимоя қилиш менга катта завқ бағишлайди. Тамом», — дея Собослаининг сўзларини журналист Пол Горст келтирмоқда.

Жорий мавсумда Собослаи барча турнирларда 43 та учрашувда майдонга тушиб, рақиблар дарвозасини 12 бор ишғол қилди ва ўз ҳисобига 8 та голли узатмани ёздириб қўйди.

25 ёшли Собослаининг «Ливерпуль» билан амалдаги шартномаси 2028 йилгача мўлжалланган. Transfermarkt экспертлари ярим ҳимоячининг қийматини 100 миллион еврога баҳолашмоқда.

Аввалроқ, венгриялик футболчига Мадриднинг «Реал» клуби қизиқиш билдираётгани ҳақида хабарлар тарқалган эди.