«Манчестер Юнайтед»нинг ҳужумкор ярим ҳимоячиси Бруну Фернандеш ёзги трансфер ойнасида клубини ўзгартириши мумкин.

CaughtOffside нашрининг маълумотларига кўра, Фернандешнинг «Манчестер Юнайтед»даги келажаги ноаниқлигича қолмоқда. Португалиялик футболчига қизиқиш билдираётган клублар қаторида «ПСЖ» ва «Бавария» бор. Агар «қизил иблислар»га йирик суммадаги таклиф тушса, улар 31 ёшли хавбекни жорий мавсум якунида қўйиб юборишлари мумкин.

Жорий мавсумда Фернандеш барча турнирларда 30 та учрашувда майдонга тушиб, 8 та гол урди ва 17 та голли узатмани амалга оширди.

Футболчининг инглиз гранди билан амалдаги шартномаси 2027 йил ўрталаригача мўлжалланган.