Лондоннинг «Арсенал» клуби бош мураббийи Микель Артета олдинда турган ўйинларнинг ҳал қилувчи аҳамияти ҳақида гапириб ўтди.
«Халқаро танаффусдан сўнг биз учун ҳар бир учрашув финалга тенг. Биз жуда ҳаяжондамиз ва курашга киришишга тайёрмиз. Бу "ё ғалаба, ё ҳеч нарса" тамойили асосидаги ўйинлардир», — деди испаниялик мутахассис.
Ҳозирда «тўпчилар» 70 очко жамғарган ҳолда Англия Премьер-лигаси турнир жадвалида пешқадамлик қилмоқда.
Бугун, 4 апрель куни «Арсенал» Англия Кубоги чорак финалида «Саутгемптон» билан тўқнаш келади. Шундан сўнг Артета шогирдлари Чемпионлар Лигасида Португалиянинг «Спортинг» жамоасига, АПЛда эса «Борнмут»га қарши майдонга тушади.
