Londonning «Arsenal» klubi bosh murabbiyi Mikel Arteta oldinda turgan o‘yinlarning hal qiluvchi ahamiyati haqida gapirib o‘tdi.
«Xalqaro tanaffusdan so‘ng biz uchun har bir uchrashuv finalga teng. Biz juda hayajondamiz va kurashga kirishishga tayyormiz. Bu "yo g‘alaba, yo hech narsa" tamoyili asosidagi o‘yinlardir», — dedi ispaniyalik mutaxassis.
Hozirda «to‘pchilar» 70 ochko jamg‘argan holda Angliya Premyer-ligasi turnir jadvalida peshqadamlik qilmoqda.
Bugun, 4 aprel kuni «Arsenal» Angliya Kubogi chorak finalida «Sautgempton» bilan to‘qnash keladi. Shundan so‘ng Arteta shogirdlari Chempionlar Ligasida Portugaliyaning «Sporting» jamoasiga, APLda esa «Bornmut»ga qarshi maydonga tushadi.













