«Ювентус»нинг афсонавий собиқ ҳужумчиси Алессандро Дель Пьеро Италия футбол федерациясида лавозим эгаллаши мумкин.
Журналист Николо Скиранинг хабар беришича, 51 ёшли собиқ футболчи ўз вазифасига шу йилнинг июнь ойидаёқ киришиши мумкин. «Кекса синьора» афсонаси айнан қайси лавозимга даъвогарлик қилаётгани ҳозирча очиқланмаган, бироқ музокаралар аллақачон бошланган.
Яқинда Италия терма жамоасидаги ўз постларини бош мураббий Женнаро Гаттузо ва делегация раҳбари Жанлуижи Буффон тарк этишган эди. «Скуадра Адзурра» ЖЧ-2026 саралашининг плей-офф финалида Босния ва Герцеговина терма жамоасига пенальтилар сериясида имкониятни бой бериб, жаҳон чемпионати йўлланмасидан маҳрум бўлганди.
