Миланнинг «Интер» клуби бош мураббийи Кристиан Киву Алессандро Бастонининг «Барселона»га ўтиши мумкинлиги ҳақидаги хабарларга муносабат билдирди.

Мавжуд маълумотларга кўра, италиялик ҳимоячи каталонияликлар грандига аллақачон розилик берган.

«Бастонига Италияни тарк этишни маслаҳат беришяптими? Мен хотиржамликни сақлашим ва унга ишонишим керак. Мен Алессандронинг келажаги ва истакларини назорат қилмайман, лекин унинг «Интер»да бахтли эканини биламан. У ҳатто икки ойдан кейин кетадиган бўлса ҳам, шу ерда экан, бор кучи билан ҳаракат қилади. Агар у қолса, хурсанд бўлардим, бироқ унинг танловига таъсир ўтказа олмайман. Футбол оламида доим мавҳумлик мавжуд. Сўнгги йилларда Бастони тўғри қарорлар қабул қила олишини исботлади», – дея журналист Фабрицио Романо Кивунинг сўзларини келтирмоқда.

26 ёшли марказий ҳимоячининг «нерадзуррилар» билан шартномаси 2028 йилгача мўлжалланган.