«Интер Майами» ҳужумчиси Лионель Месси рақиблар дарвозасини мунтазам равишда ишғол қилишда давом этмоқда.

38 ёшли футболчи «Остин»га қарши кечган ва дуранг (2:2) билан якунланган яқиндаги баҳсда ҳам гол уришга муваффақ бўлди. Умумий ҳисобда аргентиналик юлдуз клуб ва терма жамоа сафидаги охирги бешта ўйинда тўрт бор рақибларини хафа қилди. «Олтин тўп»нинг саккиз карра соҳибини фақатгина Мавритания терма жамоаси тўхтата олди, бироқ ўша учрашувда машҳур ҳужумчи бор-йўғи бир бўлим ўйнаган эди. У «Нэшвилл», «Нью-Йорк Сити» ва Замбия терма жамоаси дарвозасига биттадан тўп киритди.

МЛСнинг жорий мавсуми тўпурарлар рўйхатида Лионель Месси бешта гол билан тўртинчи ўринни эгаллаб турибди.