«Inter Mayami» hujumchisi Lionel Messi raqiblar darvozasini muntazam ravishda ishg‘ol qilishda davom etmoqda.
38 yoshli futbolchi «Ostin»ga qarshi kechgan va durang (2:2) bilan yakunlangan yaqindagi bahsda ham gol urishga muvaffaq bo‘ldi. Umumiy hisobda argentinalik yulduz klub va terma jamoa safidagi oxirgi beshta o‘yinda to‘rt bor raqiblarini xafa qildi. «Oltin to‘p»ning sakkiz karra sohibini faqatgina Mavritaniya terma jamoasi to‘xtata oldi, biroq o‘sha uchrashuvda mashhur hujumchi bor-yo‘g‘i bir bo‘lim o‘ynagan edi. U «Neshvill», «Nyu-York Siti» va Zambiya terma jamoasi darvozasiga bittadan to‘p kiritdi.
MLSning joriy mavsumi to‘purarlar ro‘yxatida Lionel Messi beshta gol bilan to‘rtinchi o‘rinni egallab turibdi.













