«Ливерпуль» марказий ҳимоячиси Виржил ван Дейк Англия Кубоги чорак финалида «Манчестер Сити»дан қабул қилинган қақшатқич мағлубиятдан сўнг ўз фикрларини билдирди. «Қизиллар» 0:4 ҳисобида имкониятни бой бериб, мусобақани тарк этишди.

«Мухлисларимиздан узр сўрайман, бу жуда оғир кун бўлди. Бундай натижада бутун жамоа айбдор. Нима бўлишидан қатъи назар, биз бирдамликни сақлашимиз керак. Бундай зарбадан ўзимизга келиб олишимиз шарт», — дея нидерландиялик футболчининг сўзларини келтиради мерсисайдликлар матбуот хизмати.

Англия чемпионати турнир жадвалида Арне Слот шогирдлари бешинчи ўринни эгаллаб туришибди. УЕФА Чемпионлар лигасида эса мерсисайдликлар чорак финалга йўл олишган ва у ерда Франциянинг «ПСЖ» клуби билан куч синашишади.