«Liverpul» markaziy himoyachisi Virjil van Deyk Angliya Kubogi chorak finalida «Manchester Siti»dan qabul qilingan qaqshatqich mag‘lubiyatdan so‘ng o‘z fikrlarini bildirdi. «Qizillar» 0:4 hisobida imkoniyatni boy berib, musobaqani tark etishdi.
«Muxlislarimizdan uzr so‘rayman, bu juda og‘ir kun bo‘ldi. Bunday natijada butun jamoa aybdor. Nima bo‘lishidan qat’i nazar, biz birdamlikni saqlashimiz kerak. Bunday zarbadan o‘zimizga kelib olishimiz shart», — deya niderlandiyalik futbolchining so‘zlarini keltiradi mersisaydliklar matbuot xizmati.
Angliya chempionati turnir jadvalida Arne Slot shogirdlari beshinchi o‘rinni egallab turishibdi. UEFA Chempionlar ligasida esa mersisaydliklar chorak finalga yo‘l olishgan va u yerda Fransiyaning «PSJ» klubi bilan kuch sinashishadi.
