Англиянинг «Ливерпуль» клуби 23 ёшли америкалик ярим ҳимоячи Малик Тилльманни ўз сафига қўшиб олишга қизиқиш билдирмоқда. Бу ҳақда Sports Boom нашри хабар бермоқда.
Манбаларнинг таъкидлашича, мерсисайдликлар футболчи учун 60 миллион фунт тўлашга тайёр. Қайд этилишича, Тилльманнинг ўзи ҳам АПЛга ўтиш фикридан руҳланган ва «Ливерпуль» билан шартнома имзолашга умид қилмоқда.
Малик Тилльман 2025 йилда ПСВдан ўтганидан бери Леверкузеннинг «Байер» жамоасида тўп сурмоқда. Жорий мавсумда футболчи клуб сафида 35 та ўйинда майдонга тушиб, 8 та гол уришга муваффақ бўлди.













