«Комо»нинг ҳужумкор ярим ҳимоячиси Николас Паснинг Мадриднинг «Реал» клубига қайтиши фақат вақт масаласи деб ҳисобланмоқда.
Аввалроқ турли манбалар «қаймоқранглилар» ўз тарбияланувчисини жорий мавсум якунида қайтариб олмоқчи эканлиги ҳақида хабар берган эди. Transfer News Live нашрининг El Mundo’га таяниб маълум қилишича, «Реал» Паснинг шиддатли ўсишини тўхтатиб қўйишни истамаяпти, шу сабабли қайта сотиб олиш ҳуқуқидан фойдаланиш учун 2027 йил ёзигача кутишга тайёр.
21 ёшли аргентиналик футболчи А Серияда мавсумнинг асосий кашфиётларидан бирига айланди. Сеск Фабрегас бошқарувидаги «Комо» жамоаси эса Чемпионлар лигаси йўлланмаси учун курашмоқда.
Эслатиб ўтамиз, «Реал» келаётган мавсумлар оралиғида Николас Пасни бор-йўғи 8 миллион евро эвазига қайта сотиб олиши мумкин.
