«Вест Хэм» ярим ҳимоячиси Матеуш Фернандеш фаолиятини «Манчестер Юнайтед»да давом эттириши мумкин.
The Sun нашрининг хабарига кўра, Бруну Фернандеш «қизил иблислар» раҳбариятига 21 ёшли португалиялик футболчини ўзининг узоқ муддатли ўринбосари сифатида сотиб олишни маслаҳат берган. Агар «болғачилар» Англия Премьер-лигасини тарк этадиган бўлса, трансфер суммаси пасайиши мумкин.
Матеуш Фернандеш 2025 йилда «Саутгемптон»дан «Вест Хэм»га 44 миллион евро эвазига ўтган эди. Унинг Лондон клуби билан шартномаси 2030 йилнинг 30 июнига қадар мўлжалланган. Жорий мавсумда ярим ҳимоячи «болғачилар» сафида барча турнирларда 30 та ўйинда майдонга тушиб, ўз ҳисобига 3 та гол ва 3 та голли узатмани ёздириб қўйди.













